Outes, 9 de outubro de 1812
Madrid, 20 de abril de 1878
Naceu na aldea de Boel, en Outes (A Coruña)
Este escritor romántico fixo estudos eclesiásticos no Seminario de Santiago e licenciouse en Dereito na universidade compostelá en 1845. Forma parte da chamada Xeración do 46, pois toma parte activa no levantamento progresista do coronel Solís en abril de 1846. Para fuxir da represión gubernamental, Añón exiliouse en Portugal, de onde foi expulsado en 1850 polo seu liberalismo. Viaxou por Europa como secretario dun nobre inglés.
En Madrid, Añón presidiu a sociedade Galicia Literaria, constituída por membros da Xeración do 68, entre os que se achaba Manuel Curros Enríquez. Desde Madrid concorreu aos primeiros Xogos Florais da Coruña de 1861, pero só obtivo un accésit co seu fermoso himno “A Galicia”, no que canta o progreso e o rexurdir de Galicia. Añón foi considerado un patriarca das letras galegas polos escritores galegos máis novos, de aí que Curros Enríquez o convertese en personaxe-guía do seu poema satírico O divino sainete (1888)